Sherehe za sikukuu ya Wafanyakazi Wilayani Simanjiro

Imetumwa lini: May 1st, 2021

Mkurugenzi Mtendaji wa Wilaya ya Simanjiro Bw.Yefred Myenzi akitoa salamu za muajiri kwa niaba ya Baraza la Madiwani wa Wilaya ya Simanjiro katika sherehe za siku ya wafanyakazi duniani yaliyofanyika kiwilaya katika mji mdogo wa Orkesumet Wilayani Simanjiro.

Mkurugezi mtendaji alianza kwa kusema kuwa hadi sasa Halmashauri ya Wilaya ya Simanjiro ina watumishi wapatao 890 na inatakiwa kuwa na watumishi 2500 ,hivyo Halmashauri ina uhaba mkubwa wa watumishi ,alimuomba Mh. Mgeni  Rasmi ambaye alikuwa Mkuu wa Wilaya ya Simanjiro aliyewasilishwa na Katibu Tawala wa Wilaya Bi. Zuwena Ommary  kulichukua suala hilo na kulifikisha katika ngazi za juu serikalini.Aliendelea kwa kusema kuwa Halmashauri ya Wilaya imejitahidi kujenga nyumba za makazi ya Waalimu kutoka nyumba 44  mwaka 2015 hadi kufikia nyumba 66 mwaka 2020,kuongeza vyumba vya madarasa ,shule za msingi kutoka 86 mwaka 2015 hadi shule 96 mwaka 2020,matundu ya vyoo toka 211 mwaka 2015 hadi 1005 mwaka 2020.

Aidha alisema kutokana na jitihada hizo za kuboresha maslahi ya waalimu pamoja na miundombinu kwa wanafuzi ufaulu  kwa shule za msingi umeongezeka kutoka 49% mwaka 2015 hadi 72% mwaka 2020 na ufaulu wa shule za sekondari umeongezeka kutoka 25% mwaka 2015 hadi 96% mwaka 2020.

Mkurugenzi Mtendaji aliendelea kwa kusema kuwa Halmashauri  imefanikiwa kuongeza wigo makusanyo ya mapato ya ndani kutoka billion 1.1 mwaka 2015 hadi biloni 2.3 mwaka 2020.ambako ni ongezeko la zaidi ya silimia 100% kwa kipindi hicho cha miaka mitano.

Ailongeza akwa kusema kuwa Halmashauri ya Wilaya ya Simanjiro ilitenga shilingi milioni 183 ya makusanyo yake ya ndani kwa ajili ya kuwakopesha vikundi vya wakina mama vijana na watu wenye ulemavu bila riba yoyote na hadi sasa Halmashauri imekwisha toa asilimia 80% ya pesa hizo .Hadi kufikia leo tarhe 1/5/2020halmashauri imekopesha shilingi 400 milioni kwa ajilai ya vikundi hivyo pesa iliyotokana na mapato ya ndani na marejesho ya vikundi vilivyokopeshwa awali.

Aidha Mkurugenzi Mtendaji wa Wilaya aliendelea kusema kuwa Halmashauri ya Wilaya ya Simanjiro imekwisha toa stahiki ya likizo kwa kada ya ualimu ambao wanatarajia kuanza likizo mwenzi June 2021 pindi shule zitakapofungwa. Halmashauri inaendelea kutoa usaidizi kwa watumishi wenye maradhi sugu kwa kuwawezesha fedha za kujikimu wanapohudhuria kliniki katika hospitali watazokwenda,pamoja na kuwalipia ada watumishi pindi wanapokwenda mafunzo mbalimbali ambayo yana tija kwa  Halmashauri.Pia aliendelea kusema kuwa hadi mwenzi Aprili mwaka 2021 jumla ya Watumishi 400 walipandishwa madaraja na watumishi walibaki watapandishwa madaraja hivi karibuni ikiwa watakuwa na vigezo na sifa za  kupandishwa madaraja.

Alihitimisha kwa kuwataka watumishi kupendana ,kushikamana na kushirikiana katika shughuli mbalimbali za serikali.