Ndugu tohima akiwasalimu watumishi MAY DAY

Imetumwa lini: May 1st, 2021

Mwnyekiti wa shirika la ECLAT Foundation ndugu Tohima akiwasilimu watumishi waliohudhuria katika maadhimisho ya sherehe ya sikuku ya wafanyakazi  kwa wilaya ya Simanjiro yaliyofanyika leo tarehe 1/5/2021 katika mji mdogo wa Orkesumet.Ndugu Tohima alieleza kuwa shirika lake limefanya jitihada mbalimbali za kutatua changamoto hususani katika miundombinu ya Elimu kwa kujenga vyumba vipya vya madarasa ,kuboresha vyumba chakavu na kurahisisha upatikanaji wa maji safi na kwa jamii na shule mbalimbali za msingi na sekondari Wilayani humu kwa kushirikiana na serikali na wadau mbalimbali wa maendeleo.

Aidha Ndugu Tohima alieleza kuwa kwa kipindi cha miaka kumi iliyopita shirika lake limefanikisha kuboresha shule 14  za msingi katika Wilaya ya Simanjiro na kati ya hizo 4 ni shule mpya kabisa.Pia alisema shirika lake limejenga nyumba 14 za waalimu katika shule ya sekondari ya emboreet ,nyumba 2 za waalimu katika kijiji cha kimelock na nyumba 3 katika kijiji cha lenaitunyo.

Aidha ndugu Tohima alisema shirika lake limefanikiwa kuanzisha chuo kipya cha Ufundi wilayani Simanjiro kiitwacho Simanjiro District Vocation Centre ili kuwapatia vijana ujuzi watakao utumia kujiajiri au kuajiriwa katika taasisi mbalimbali za serikali na mashirika binafsi.

Ndugu Tohima Alihitimisha kwa kumshukuru Mkuu wa Wilaya ya Simanjiro,Mwenyekiti wa Halmashauri ya Simanjiro pamoja na Mlkurugenzi Mtendaji wa Wilaya ya Simanjiro kwa kushirikiana na shirika lake katika kutekeleza miradi mbalimbali ya Maendeleo katika Wilaya ya Simanjiro.