Mkurugenzi Mtendaji(W) akizindua mafunzo ya Usajili wa Vyeti vya Kuzaliwa kwa Watoto wenye umri chini ya miaka 5

Imetumwa lini: May 7th, 2021

Mkurugenzi Mtendaji(W) Bw. Yefred Myenzi akizindua mafunzo ya Usajili wa vyeti vya kuzaliwa kwa watoto wenye umri chini ya miaka mitano.Mafunzo hayo yalifanyika leo tarehe 7/5/2021 katika ukumbi wa Halmashauri ya Wilaya ya Simanjiro,Mafunzo yaliyohudhuriwa na Timu ya Hamasa(W) ikiongozwa na Mratibu wa Usajili (W) ambaye ni Afisa Ustawi wa jamii Wilaya,Waratibu wa RCH katika Hospitali,Vituo vya Afya pamoja na Zahanati zote zilizopo Wilayani Simanjiro,Watendaji wa kata zote 18 pamoja na wasaidizi wao,Waratibu elimu kata wa kata zote Wilayani Simanjiro.

Mkurugenzi Mtendaji(W) alisema kuwa mafunzo hayo yatadumu kwa muda wa siku 3  na badaa ya hapo Uzinduzi wa campaign utafanyika siku ya tarehe  10/5/2021 na baadaye zoezi la kusajili litaendelea kwa kasi kwa siku 12 katika vituo vyote vya afya,Ofisi za kata pamoja na baadhi ya Ofisi za vijiji. Mkurugenzi  Mtendaji (W) aliwasisitiza washiriki kushiriki kikamilifu mafunzo hayo ili watakapomaliza mafunzo wakatende kazi kwa ufanisi katika vituo  vyao.Pia alisisitiza uhamasishaji kwa wazazi ili wahudhurie kusajili watoto wao katika vituo vya tiba na kwa watendaji wa kata .Mkurugenzi mtendaji aliendelea kwa kussema  kuwa vyeti hivyo vitatolewa bila malipo na vyeti hivyo ni haki ya Mtoto ambaye hana cheti hicho pia  ni utambulisho wa kwanza wa mtoto na atakitumia kupata huduma nyingine nyingi za msingi kama elimu,matibabu ,ajira na nyinginezo  na alisisitiza kuwa cheti hicho ni halali kabisa na atakitumia hata baada ya kuvuka umri wa miaka mitano.