Mkuu wa Wilaya atembelea mradi wa maji Ruvu-Orkesumet

Imetumwa lini: July 20th, 2021

MKuu wa  Wilaya  ya Simanjiro Mh.Dr  Suleiman Hassan Serera akikagua mradi wa  maji wa Ruvu-Orkesumet  leo tarehe 20.7.2021 .Kampuni ya JANDU  ambayo inatekeleza mradi huo wenye thamani ya shilingi bilioni 40 imeahidi kukamilisha mradi huo kwa wakati,Alisema hayo Meneja wa Mradi huo.

Akizungumza na Meneja ,Wataalamu kutoka kampuni ya JANDU,wataalamu wa Mamlaka ya maji Orkesumet pamoja na wataalamu na viongozi wa Halmashauri  ya Wilaya ya Simanjiro Mh.Mkuu wa Wilaya  aliiagiza kampuni hiyo kusambaza mita za maji 500 ifikapo tarehe 30.7.2021.Mh mkuu wa Wilaya alisema maji yana Mchango mkubwa katika kukuza uchumi wa jamii hivyo mradi huo wa maji utakapokamilika utarahisisha upatikanaji wa maji kwa ajili ya kunywesha mifugo pamoja na kuongeza shughuli za biashara ndogondogo kama vile mbogamboga na biashara zingine.Pia Mh mkuu wa wilaya aliahidi  kushughulikia suala la kupeleka maji katika majosho ya vijiji vya jirani na mradi huo ili kupunguza gharama kwa wafugaji kufuata maji umbali mrefu kwa ajili ya kunywesha mifugo yao.

Mwisho Mh.mkuu wa wilaya alimshukuru Rais  wa Jamuhuri ya Muungano wa Tanzania Mh.Samia Suluhu Hassani kwa kuendelea kutoa fedha kwa ajili ya kukamilisha mradi huo.