Mh.Mkuu wa Wilaya azindua Mpango wa Usajili wa Vyeti vya kuzaliwa kwa watoto wenye umri chini ya miaka mitano

Imetumwa lini: May 11th, 2021

Mkuu wa Wilaya ya Simanjiro Mh.Eng Zephania Chaula wakati wa uzinduzi wa Mpango wa Usajili wa Vyeti vya kuzaliwa kwa watoto wenye umri chini ya miaka mitano katika wilaya ya Simanjiro.Uzinduzi huo ulifanyika leo tarehe 11/5/2021  katika mji mdogo wa Orkesumet Wilayani humo.

Mh.Mkuu wa Wilaya alieleza kuwa zoezi hilo la usajili litafanyika kwa muda wa siku 14 toka   tarehe ya leo na vyeti hivyo vitatolewa katika ofisi za Maafisa Watendaji wa Kata na Vituo vya Afya katika vitengo vya RCH bila Malipo yeyote.

Mh mkuu wa Wilaya aliendelea kwa kusema kuwa ni wajibu wa kila mzazi/mlezi kwenda kuwasajilii  watoto  wao ili wapate vyeti hivyo kwani  ni utambulisho wa kwanza wa mtoto na atakitumia kupata huduma nyingine nyingi za msingi kama elimu,matibabu ,ajira na nyinginezo na alisisitiza kuwa cheti hicho ni halali kabisa na atakitumia hata baada ya kuvuka umri wa miaka mitano.Mwisho Muheshimiwa Mkuu wa Wilaya aliwashukuru wananchi wa Wilaya ya Simanjiro kwa kujitokeza kwa wingi katika Uzinduzi huo.