Mgeni Rasmi akiwahutubia wafanyakazi MAY DAY

Imetumwa lini: May 1st, 2021

Mgeni Rasmi Mh.Mkuu wa Wilaya ya Simanjiro aliyewakilishwa na Katibu Tawala wa Wilaya ya Simanjiro Bi.Zuwena Ommary akijibu risala aliyesomewa na chama cha Wafanyakazi wa Wilaya ya Simanjiro katika maadhimisho ya sherehe za siku ya Wafanyakazi duniani zilizofanyika Kiwilaya katika mji  mdogo wa Orkesumet wilayani humo .

Kwanza ,Mh.Mgeni Rasmi aliwapongeza watumishi wote wa Umma  na Wa mashirika binafsi katika Wilaya ya Simanjiro kwa kufanya kazi kwa bidii  kulipopelekea Wilaya ya Simanjiro kupata mafanikio makubwa ya kiuchumi katika kipindi  kifupi.

Pili  aliwahimiza watumishi wa umma kufanya kazi kwa bidii na kwa kufuata sheria,kanuni na miongozo mbalimbali ya Serikali wawapo katika maeneo yao ya kiutendaji.

Tatu Mh mgeni Rasmi aliendelea kuhutubia watumishi kwa kusema kuwa serikali inayo mpango wa kuajiri watumishi wa kutosha katika sekta ya elimu ili kupunguza uhaba wa watumishi hao katika shule za msingi na sekondari ifikapo mwenzi July 2020.

Nne Mh. Mgeni rasmi Aliendelea kusema kuwa serikali imekuwa ikitoa ruzuku kutoka mfuko mkuu wa serikali ili kukarabati miundombinu katika sekta za elimu,maji barabara na Umeme ili kuboresha maisha ya wananchi  Wilayani humu.

Mh. Mgeni rasmi Aliendelea kwa kusema serikali  imetoa kibali cha kuwapandisha  madaraja watumishi 700 katika wilaya hii ifikapo mwenzi ujao,Hivyo aliwataka watumishi  kujitadhmini kama wanavyo vigezo na sifa za kupandishwa madaraja kabla ya kulalamika kwa muajiri wao.

Aidha Mh.Mgeni  Rasmi alieleza  kuwa serikali  ina utaratibu maalumu wa kuwafidia watumishi pindi wanapopata ajali sehemu za kazi iwapo watumishi hao watakuwa wanastahili stahiki hizo(Workkers compensation Fund).

Mh.Mgeni rasmi alihitimisha kwa kuwataka watumishi wa umma kuendelea kuchapa kazi kwa bidii ili kutimiza malengo ya Taasisi zao na Serikali kwa Ujumla.