KIKAO CHA MAADILI

Imetumwa lini: April 29th, 2021

Mtumishi  kutoka kitengo cha Elimu kwa umma cha Taasisi ya kuzuia na Kupambana na Rushwa Tanzania (TAKUKURU) Bi. Dorith Mrema ,akitoa mada ya uadilifu katika kikao cha Maadili kwa watumishi wa umma kilichofanyika tarehe 29/4/2021   katika ukumbi  wa Halmashauri ya Wilaya ya Simanjiro ,kikao hicho kilihudhuriwa na Kaimu Mkurugenzi (W)  kamati ya Maadili ya Wilaya , Watumishi wa makao makuu ya Wilaya pamoja na watumishi wa vijiji vya jirani.Bi Dorith alieleza kuwa watumishi wa Umma wanapaswa kuwa waadilifu ili kutimiza malengo ya Taasisi zao na Taifa kwa Ujumla , aliendelea kusema kuwa uadilifu katika utumishi wa umma ndio dawa ya kuzuia rushwa katika taasisi za serikali na jamii kwa ujumla , Aidha washiriki wa kikao hicho walitoa maoni na ushauri kadhaa juu ya mwenendo wa Taasisi hiyo na Wahusika (Bi.Dorith na Kaimu kamanda wa Takukuru Wilaya) waliahidi watayafanyia kazi maoni na ushauri uliotolewa na washiriki wa kikao hicho.Kaimu Mkurugenzi Wilaya alihitimisha kikao hicho na kusisitiza  watumishi wazingatie maudhui yaliyotolewa na waelimishaji ili kuepuka rushwa katika taasisi zao.