Baraza la madiwani lapitisha bajeti ya shilingi bilioni 23 na milioni 781

Imetumwa lini: February 18th, 2021

Mkuu wa Idara ya Mipango Takwimu na Ufuatiliaji wa Wilaya ya Simanjiro Bw.Heri Kurya akiwasilisha makisio ya  bajeti ya Halmashauri ya Wilaya ya Simanjiro kwa kipindi  cha mwaka wa fedha 2021/2022 katika kikao cha baraza la madiwani kilichofanyika tarehe 18/02/2021 katika ukumbi wa Halmashauri ya wilaya ya simanjiro ,Kikao hicho kilihudhuriwa na waheshimiwa madiwani wa kata zote za Halmashauri ya  wilaya ya Simanjiro  pamoja na wajumbe walioalikwa zikiwemo taasisi za TANESCO,TARURA na RUWASA .

Katika kikao hicho baraza liliridhia na kupitisha  baject hiyo ya kiasi cha shilingi 23,781,357,614.46(Bilioni ishirini na tatu, milioni mia saba themanini na moja ,laki tatu hamsini na saba ,mia sita kumi na nne na senti arobaini na sita) katika fedha hizo shilingi 2,188,833,000 zitatokana na makusanyo katika vyanzo mbalimbali vya mapato vilivyopo katika Halmashauri.

Aidha shilingi 214,200,500  katika makusanyo hayo ya ndani zitatumika kukopesha vikundi vya wanawake vijana na walemavu.Pia shilingi 28,036,000 zitatumika katika shughuli za kiutawala.Aidha halmashauri imeongeza baject hiyo ya makusanyo ya ndani kwa ongezeko la shilingi 46,728,000 ikilinganishwa na mwaka wa fedha 2020/2021.Hivyo Halmashauri imejikita zaidi katika kuongeza wigo wa mapato  katika vyanzo vyake mbalmbali Ili kuendesha miradi mbalimbali ikiwemo miradi ya shule zahanati na kituo kipya cha Afya kitakachogharimu kiasi cha shilingi milioni mia tano.