KIKAO KAZI CHA VIONGOZI WA WAFUGAJI NA WAKULIMA (W) SIMANJIRO

Imetumwa lini: January 5th, 2023

KAKAO KAZI CHA UTEKELEZAJI WA MAELEKEZO YA WAZIRI MKUU WA TANZANIA MH.KASSIM MAJALIWA ALIYOYATOA TAREHE 24/12/2022 YALIYOELEKEZA  VIONGOZI WA WILAYA KUKUTANA NA WAKULIMA  PAMOJA NA WAFUGAJI  KATIKA WILAYA ZAO ILI KUBAINI CHANGAMOTO WANAZOKUMBANA NAZO .

Mkuu wa Wilaya ya Simanjiro Mh Dr.Suleiman  Serera leo tarehe  5 January 2023 alikutana na Viongozi wa Wakulima na Wafugaji wa Wilaya ya Simanjiro katika kikao kilichofanyika katika ukumbi wa Halmashauri ya Wilaya ya Simanjiro.

Viongozi wa Wakulima na Wafugaji walitoa Changamoto na Mapendekezo yao zinazowakumba katika  maeneo yao ,baadhi ya changamoto za wakulima zilikuwa ni pamoja na bei ndogo za kuuza  mazao wanaozalisha ikiwemo zao la kitunguu wakati wa msimu wa mavuno,kukosekana kwa maghala ya kisasa ya kuhifadhia  mazao yao kwa muda mrefu,kukusekana kwa barabara  nzurina za kudumu  za kupitisha mazao yao  kupeleka sokoni wakati wa msimu wa mavuno pamoja na  kukosekana kwa huduma za kiusalama ikiwemo vituo vya polisi katika maeneo yao.

Kwa upande wa ufugaji viongozi  wa wafugaji walishauri kuwepo kwa mpango bora wa matumizi ya Ardhi ili waweze kutengewa maeneo mengi zaidi   ya malisho ya Mifugo yao.

Mwisho Mh.Mkuu wa Wilaya alitoa maelekezo kwa viongozi wa Wafugaji na Wakulima kutunza mazingira pamoja na vyanzo vya maji katika maeneo yao,Kuheshimu shughuli za kiuchumi za kila upande (Wafugaji na Wakulima) pamoja na Kuyalinda maeneo ya Malisho.

Aidha Mh.Mkuu wa Wilaya alisisitiza elimu itolewe  kwa wafugaji na wakulima ili waweze kufuga mifugo yao kwa tija.

Mwisho  aliahidi kushughulikia utekelezaji wa Mpango wa Matumizi bora ya Ardhi pamoja na kuwasihi wafugaji kufuata Sheria na Taratibu za Nchi ikiwemo kutoingiza Mifugo yao katika Meneo ya Hifadhi na Kwenye Mashamba ya Wakulima.