TAARIFA ZA UTENDAJI WA KITENGO CHA SHERIA- HALMASHAURI YA SIMANJIRO
Ofisi ya Mkurugenzi Mtendaji (W) kupitia kitengo cha Sheria inatekeleza shughuli zifuatazo:
Kuiwakilisha Halmashauri ya Wilaya Mahakamani kwa mashauri yanayofunguliwa na Halmashauri au pindi Halmashauri inaposhtakiwa;
Kuandaa mikataba ya utoaji huduma kwa Halmashauri ya Wazabuni mbalimbali na kuisimamia.
Kusimamia Kanuni za Kudumu za Halmashauri za Mwaka 2013 na kufanyia mabadiliko ili ziendane na wakati kukidhi mahitaji ya sasa;
Kutoa elimu kwa watendaji wa Vijiji na Kata kuhusu Utawala Bora katika kutoa maamuzi hasa kuzingatia haki ya kusikiliza, kutokuwa na upendeleo na kuzingatia usawa katika utoaji wa huduma kwa wananchi.
Kuanzisha na kufanyia mabadiliko ya Sheria ndogo za Halmashauri za Ukusanyaji Ushuru na kutoa mapendekezo ya mabadiliko kupitia ngazi ya Halmashauri, Mkoa na Wizara.
Kutoa tafsiri kwa Masuala mbalimbali ya Sheria isipokuwa tafsiri ya Katiba, Mikataba ya Kimataifa, na kazi nyingine zinazobaki kwa Mwanasheria Mkuu wa Serikali kwa Utekelezaji wa Majukumu ya Ofisi yake.
Kupitia mikataba na kufanya marekebisho kabla ya kusainiwa kwa utekelezaji kwa ajili ya utoaji huduma kwa wananchi inayoletwa na Watendaji wa Vijiji na Kata, na Walimu wa kuu na Wakuu wa Shule na Wasimamizi wa Zahanati.
Kutoa elimu za uandaaji wa Sheria ndogo za Vijiji, kufanya marekebisho na maboresho na kuziwasilisha katika Vikao vya Halmashauri ya Wilaya ili kuidhinishwa na kuanza kutumika.
Kutoa ushauri kwa Halmashauri kwa Mashauri ya nidhamu za Watumishi ikiwa ni pamoja na kuzisimamia Sheria za Utumishi wa Umma kwa uadilifu.
Kutatua migogoro ya ardhi baina ya Mtu na Kijiji au Kijiji na Kijiji.
Kuhakikisha Sheria za fedha na Mapato ya Serikali za Mitaa zinatekelezeka kwa uadilifu ikiwa pamoja na kutoa elimu kwa wananchi ya tabia ya kulipa kodi mbalimbali kwa Serikali.
Kulinda na kutetea maslahi ya Serikali kwa uaminifu mkubwa na uadilifu.
